❏ "နာကျင်စေမှု" (Hurt) ပြစ်မှုများအကြောင်း
သိကောင်းစရာ
⌼ လူချင်းချင်း ထိတွေ့ဆက်ဆံရာ၌
ပေါ့လျော့မှု၊ အငြိုးအတေး၊ ဒါမှမဟုတ်
ရည်ရွယ်ချက်ရှိရှိကြောင့် ခိုက်ရန်ဖြစ်ပွားပြီး
တစ်ဦးနှင့်တစ်ဦး ထိခိုက်နာကျင်မှုများ
ဖြစ်ပေါ်လာပါလျှင် ရာဇဝတ်မှုဆိုင်ရာ ဥပဒေအရ နာကျင်စေမှုများကို မည်သို့ ပြစ်ဒဏ်များ
သတ်မှတ်ထားပါကြောင်း သိရှိထားဖို့ လိုအပ်ပါတယ်။
❍ ရာဇဝတ်မှုကြီး ပုဒ်မ (၃၁၉) -
နာကျင်စေမှု (Hurt) ဆိုတာ
⌼ မည်သူမဆို တစ်ဦးတစ်ယာက်သာသူအား ကိုယ်အင်္ဂါနာကျင်အာင် သို့မဟုတ် အနာရာဂါစွဲကပ်အာင် သို့မဟုတ် ချည့်နဲ့အောင် ပြုလျှင် ထိုသူသည် နာကျင်စေမှုကို ပြုသည်မည်၏။
၁။ ကိုယ်အင်္ဂါနာကျင်အောင်
⌼ ခန္ဓာကိုယ်အစိတ်အပိုင်း တစ်ခုခုကို ယာယီ (သို့)
ရေရှည် နာကျင်မှုဖြစ်အောင် လုပ်ဆောင်ခြင်း။
ဥပမာ
⊶ ရိုက်နှက်ခြင်း၊ ထိုးနှက်ခြင်း၊ ခြောက်လှန့်ခြင်း၊
မီးရှို့ခြင်း၊ အဆိပ်ခတ်ခြင်း၊ အားနည်းစေသော ဆေးတိုက်ကျွေးခြင်း။
၂။ အနာရောဂါစွဲကပ်အောင်
⌼ ရောဂါဝေဒနာ စွဲကပ်စေရန် ပြုလုပ်ခြင်း။
ဥပမာ
⊶ ကူးစက်ရောဂါများ (HIV, TB, Hepatitis စသည်)
ကို တမင်သက်သက် ကူးစက်အောင်
ပြုလုပ်ခြင်း၊ အဆိပ်သင့်စေသော ပတ်ဝန်းကျင် (ညစ်ပတ်ရေ၊ အစားအစာ) ဖန်တီးပေးခြင်းဖြင့် ဝမ်းရောဂါ/ဘက်တီးရီးယားရောဂါများ ဖြစ်ပွားစေခြင်း။
၃။ ချည့်နဲ့အောင်
⌼ ခန္ဓာကိုယ်၏ လုပ်ငန်းဆောင်တာ
တစ်စုံတစ်ရာကို ချို့ယွင်းစေခြင်း၊ သဘာဝလုပ်ဆောင်နိုင်စွမ်း တစ်စိတ်တစ်ပိုင်း (သို့) အလုံးစုံ ဆုံးရှုံးစေခြင်း။
◣ မိမိကြောင့် တစ်စုံတစ်ယောက်အား
အထက်ပါအချက်များထဲမှ တစ်ခုခု ဖြစ်စေပါက ပြစ်မှုထိုက်ပါသည်။။
■ နာကျင်မှု ပမာဏပေါ် မူတည်ပြီး ဥပဒေအရ
▪️(သာမန်) နာကျင်စေမှု
▪️အပြင်းအထန် နာကျင်စေမှု ဟု
သတ်မှတ်နိုင်ပြီး ပြုလုပ်သည့်
အရာဝတ္တုအပေါ်မူတည်၍ ပြစ်ဒဏ် အနည်း/အများ ကွာခြားပါသည်။
▪️ သာမန်နာကျင်စေမှု
"အပြင်းအထန် နာကျင်စေမှု" (အောက်ပါ ၈ မျိုး)
မဖြစ်မြောက်သည့် နာကျင်မှုမျိုးကို ဆိုလိုသည်။▪️အပြင်းအထန် နာကျင်စေမှု (Grievous Hurt)
ပုဒ်မ ၃၂၀ အရ
⎚
အပြင်းအထန်နာကျင်စေမှု (၈) မျိုးမှာ
◉ သင်းကွပ်ခြင်း ဖခင်ဖြစ်နိုင်စွမ်းကို ဖျက်ဆီးခြင်း
(ဥပမာ- ဝှေးစေ့အား ထိခိုက်ဒဏ်ရာရစေခြင်း)။
◉ မျက်စိတစ်ဖက်ဖက်ကို အမြဲမမြင်အောင် ပြုခြင်း
ထာဝရကန်းအောင် ပြုလုပ်ခြင်း။
◉ နားတစ်ဖက်ဖက်ကို အမြဲမကြားအောင် ပြုခြင်း
ထာဝရပင်းအောင် ပြုလုပ်ခြင်း။
◉ ကိုယ်အင်္ဂါ အဆစ်အမျက်တစ်ခုခုကို ကျိုးပဲ့
ပျက်စီးအောင် ပြုခြင်း
(ခြေဆစ်၊ ဒူးဆစ်၊ လက်မောင်းဆစ် စသည်)။
◉ ကိုယ်အင်္ဂါအဆစ်အမျက်တစ်ခုရဲ့
အင်အားကို ဖျက်ဆီးခြင်း (သို့) အမြဲချို့တဲ့အောင်
ပြုခြင်း
(လူစဉ်မမီ/အကြောသေအောင် ပြုလုပ်ခြင်း)။
◉ ဦးခေါင်း (သို့) မျက်နှာကို အမြဲရုပ်ဆင်း
ပျက်အောင် ပြုခြင်း
(အမာရွတ်ထင်အောင်၊ နှာခေါင်း/နားရွက်
ဖြတ်အောင် ပြုလုပ်ခြင်း။)
◉ အရိုး (သို့) သွားကို ကျိုးအက်ကွဲအောင် (သို့)
တိမ်းလွဲအောင် ပြုခြင်း။
◉ အသက်အန္တရာယ်ဖြစ်စေခြင်း၊
ရက်ပေါင်း (၂၀) ကြာ နာကျင်မှုဖြစ်အောင်ပြုခြင်း
(သို့) ရက်ပေါင်း (၂၀) ကြာ ပုံမှန်
အလုပ်မလုပ်နိုင်အောင် ပြုခြင်း။
❍ ပြစ်ဒဏ်များ
တုံးသော လက်နက်ဖြင့် -
⊝ သာမန်နာကျင်မှုဖြစ်စေလျှင်
ရာဇဝတ်ကြီး ပုဒ်မ ၃၂၃ အရ
ထောင်ဒဏ် ၁နှစ်ထိဖြစ်စေ၊
ဒဏ် ငွေကျပ် (၁သိန်း)ထိဖြစ်စေ၊
ဒဏ် နှစ်ရပ်လုံးဖြစ်စေ ပြစ်ဒဏ်ချမှတ်နိုင်ပါသည်။
⊝ အပြင်းအထန်နာကျင်မှုဖြစ်စေလျှင်
ရာဇဝတ်ကြီး ပုဒ်မ ၃၂၅ အရ
ထောင်ဒဏ် ၇နှစ်ထိအပြင်၊ ဒဏ်ငွေ
ဒဏ်နှစ်ရပ်လုံး ပြစ်ဒဏ်ချမှတ်နိုင်ပါသည်။
⊝ တုံးသော လက်နက်ဆိုသည်မှာ
ချွန်ထက်သော လက်နက်မဟုတ်သည့်
- လက်သီး၊ ခြေထောက်၊ ဝါးလုံး စသည့်ကိုဆိုလိုသည်။
❍ ပြစ်ဒဏ်များ
ချွန်ထက်သော လက်နက် / ဘေးဖြစ်စေ
တတ်သောလက်နက်ဖြင့် -
⊝ သာမန်နာကျင်မှုဖြစ်စေလျှင်
ရာဇဝတ်ကြီး ပုဒ်မ ၃၂၄ အရ
ထောင်ဒဏ် ၃နှစ်ထိဖြစ်စေ ၊
ဒဏ်ငွေ ဖြစ်စေ ၊ ဒဏ် နှစ်ရပ်လုံးဖြစ်ေစ
ပြစ်ဒဏ်ချမှတ်နိုင်ပါသည်။
⊝ အပြင်းအထန်နာကျင်မှုဖြစ် စေလျှင်
ရာဇဝတ်ကြီး ပုဒ်မ ၃၂၆ အရ
ထောင်ဒဏ် နှစ်(၂၀)ဖြစ်စေ၊
(၁၀)နှစ်ထိဖြစ်စေ၊ ဒဏ် ငွေ၊
ဒဏ်နှစ်ရပ်လုံး ပြစ်ဒဏ်ချမှတ်နိုင်ပါသည်။
⊝ ချွန်ထက်/ဘေးဖြစ်စတတ်သာလက်နက်
ဆိုသည်မှာ - ချွန် ထက် ရှ သော လက်နက်၊
ဓား၊ မီး၊ အက်စစ်၊ တိရစ္တာန် စသည့်တို့ဖြစ်သည်။
အခြားသောပြုလုပ်မှု
နာကျင်စေမှုအမျိုးမျိုးအား
အပိုင်း(၂) ဆက်လက်၍ . . .
BNT - အထက်တန်းရှေ့နေ
▪️ ဤအချက်အလက်များသည်
အသိပညာပေးရန်သာဖြစ်ပြီး
အမှုကိစ္စအတွက် တရားဝင်အကြံဉာဏ်လိုအပ်ပါက
ရှေ့နေ၊ ဥပဒေပညာရှင်များနှင့်သာ တိုင်ပင်ဆွေးနွေးပါ။
#နာကျင်စေမှု #ရာဇဝတ်ဥပဒေ
#ဥပဒေ #ပုဒ်မ၃၂၃ #ပုဒ်မ၃၂၅ #ပုဒ်မ၃၂၆
#ရိုက်နက်မှု #ထိုးမှု #ရှေ့နေ #bnt
Comments
Post a Comment